Home » Homber cu problema mental y cu tin dos morto riba su consenshi ta menasa señora na Tarabana cu morto

Homber cu problema mental y cu tin dos morto riba su consenshi ta menasa señora na Tarabana cu morto

by sxm
0 comment 67 views
Apelsinastraat – Diaranson merdia algo pasa di 2’or, un señora di inicial K. a yama warda di polis y a declara na polis cu un conoci di dje di inicial S. a wordo menasa entre 11’or pa 11’or y mey, door di un conoci di polis y husticia di fam Kock. P.Kock ta un persona cu ta sufri di problema mental y alaves ta un persona cu aparentemente ta usa droga.
 
E tabata bisti cu un flanel shinishi y un jeans blauw. E señora K. a splica e dama S. cu e mes mester yama polis pa e menasa cu ela ricibi di  P. Kock y si P. Kock mester bolbe su cas pa yama polis mesora. Segun K. cu awe P. Kock a lanta den su awa y cu e ta hopi peligroso mirando cu ela stop di tuma su medicamentonan manera mester ta. E dama S a keda cu hopi miedo y tabata tin su cas full cera na lock, pero despues den oranan di anochi ela yama polis pa duna polis su declaracion.
 
Diaranson anochi patruya di Oranjestad ta bay na e cas di S. den Apelsinastraat  en coneccion cu e menasa. Na yegada e dama S. ta declara cu su primo P.Kock kende ta un paaz pashent a drenta  cas di S cu un arma di hunga den su man y  ela punt’e riba S. menasando S, cu ” Abo ta next  y , mi ta bay matabo y mi ta bay buska hende pa matabo”. despues ela sali for di e cas y a bay.
 
E dama di inicial S. actualmente tin miedo cu su bida ta na peliger, Paso P den pasado a asesina dos persona y asina cu e stop di tuma su medicamentonan e ta bira hopi agressivo. E polisnan riba patruya conoce P. Kock bon, mesora a sali busk’e den e area pero no a tope. E polisnan a splica e dama S cu pa e pasa na oficina di Recherche pa entrega un keho, ela keda di haci esaki y tambe e polisnan a bise cu manera P.Kock bolbe mesora e mester avisa polis.
 
E cabayero P. Kock basta aña pasa a mata un taxista, door di dal’ e cu un shock di auto, unda cu e a keda gravemente herida y a fayece despues. Tambe e a mata un otro cabayero di fam Vrolijk cruelmente, door di a dal’e di trincion cu un pida biga y despues a sigui dal’e mas biaha cu e biga, esaki a sosode na Meiveld unda antes tabata El Porton. E homber P. Kock a sinta su castigo y actualmente ta den libertad y ta canando rond den e area di Tarabana cu Dakota.
 
Asina aki tin varios caso di hendenan cu problemanan mental serio ta cana riba caya, nunca no sa ki ora nan lo haya un ataca di rabia y haci daño na hendenan inocente cu nan topa den nan caminda. E meneer Kock aki ta circula den area di Tarabana cu Dakota, caminda tin hopi hende cu no tin auto ta cana bay playa of muchanan ta cana bay scol y bin bek di scol. Nunca por balota persona cu problemanan psychiatrico, paso nos no sa con nan a lanta e dia aki y mucho menos sa kiko nan por ta capas.
 
No ta P. Kock so ta canando rond, tin hopi mas persona cu ta sufriendo di enfermedadnan mental ta canando den liber den nos cayanan, sin cu nos sa ken nan ta y kiko nan por ta capas. Hopi biaha nan ta pasa banda di nos sin cu no ken nan ta.
 
P.Kock ta un homber sumamente peligroso, spera cu instancia concerni actua prome un tragedia pasa. 
 
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio