Home » DIMAS ta lansa website nobo y moderno

DIMAS ta lansa website nobo y moderno

by sxm
0 comment 86 views

ORANJESTAD – Dia 1 di juli 2017 DIMAS, Departamento di Integracion, Maneho y Admision di Stranhero, a cumpli 11 aña di existencia como organisacion gubernamental den e cadena di estranheria.

Cu e meta di sigui cumpli y surpasa e expectativanan y necesidadnan di su clientenan, tanto clientenan particular como clientenan di negoshi, DIMAS, cu sosten di

Interpoint/VKA Carib Media, a traha un website completamente nobo y simpel.

DIMAS ta contento y satisfecho di por anuncia, cu despues di algun luna di preparacion y trabou den ekipo, cu entrante di juli di 2017 DIMAS a logra di concretisa un otro proyecto/meta mas, esta di tin su website nobo: www.dimasaruba.aw den aire!

E website nobo di DIMAS ta accesibel den tres diferente idioma. E website ta comparti na un manera diferente compara cu esun anterior, haciendo e asina mas agradabel pa e cliente, sea cu ta uno particular of uno di negoshi, pa busca y haya tur informacion cu e mester na un manera facil y lihe.

DIMAS na caminda pa “DIMAS 2.0” lo sigui inverti den su recurso humano, pero tambe lo sigui probecha avancenan tecnologico, y lo implementa mas proyectonan di mehoracion, pa asina sigui hisa continuamente e eficiencia, efectividad y e calidad di su proceso, su servicionan y su productonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio