Home Uncategorized Presidente di AVB, Ing. Richard Dijkhoff Veld di Estrella miho ilumina awor...

Presidente di AVB, Ing. Richard Dijkhoff Veld di Estrella miho ilumina awor cu bombionan nobo

SHARE

ORANJESTAD, Aruba: E club di futbol S.V. Estrella a ricibi su bombionan pa asina nan por ilumina e veld mas miho y nan por train miho den oranan di atardi pa anochi. Directiva di S.V. Estrella tabata contento di a ricibi e bombionan for di AVB conhuntamente cu CONCACAF.

 

Como parti di e proyecto cu AVB ta eherciendo na yuda clubnan cu algun bombio. AVB tabatin contacto cu CONCACA, unda cu a splica nan riba e necesidad cu clubnan tin na Aruba pa bombio ya cu cada bombio ta costa placa. President di AVB, Ing. Richard Dijkhoff a indica cu CONCACAF a bay di acuerdo pa yuda e clubnan.

 

A toca turno di S.V. Estrella pa ricibi bombionan, unda cu tabatin diferente bombio pa cambia. AVB y S.V. Estrella hunto cu brandweer a cambia e bombionan. Hopi biaha ta haci uzo di veld di Estrella y awo e tin bon iluminacion. E muchanan por hunga bala trankil, pasobra tin luz y claridad un biaha mas y nan por sigui practica e deporte di futbol cu ta e deporte rey na Aruba.

 

Presidente di S.V. Estrella, Gilbert Raven hunto cu e directiva ta contento y gradici di a ricibi e bombionan. “Desde hopi tempo e veld di Estrella tabatin bombionan kima. CONCACAF y AVB a dicidi di duna un man y nos ta hopi contento cu e iluminacion t’ey bek”, Gilbert Raven a expresa contento.

 

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina ta situa den Compleho Deportivo Frans Figaroa na Noord.