Home Uncategorized E ta di e rasa “Malinois” Cacho nobo di vigilancia di KIA...

E ta di e rasa “Malinois” Cacho nobo di vigilancia di KIA “Sting” a pasa examen cu exito

SHARE

ORANJESTAD, Aruba: E ekipo di K9 di Korrektie Instituut Aruba ta traha hunto cu un grupo particular di sosten. Aki ta trata di  cachonan di brigada di husticia cu ta cay bou di Korrektie Instituut Aruba (KIA) y Cuerpo Especial Arubano (CEA). Riba 26 di juni 2017, un cacho special a pasa un trayecto di entrenamento extensivo y awor a yega e momento culminante pe pasa examen na centro di formacion KIA na Balashi.

 

K9 ta masha orguyoso di Sting cu ta di e rasa “Malinois”. E ta e siguido di K9 “Clint” cu actualmente a bay cu pensioen pa motibo di tin un lesion na su lomba. K9 Sting tin 2 aña di edad y el a cumpli cu un entrenamento bastante extensivo na Aruba. K9 Sting tin habilidad pa entre otro controla su mes, tuma curashi y demostra perseverancia. Sting a bin for di Hulanda door di Scent Imprint For Dogs den forma di donacion. Na banda di trabou di vigilancia, Sting tambe lo eherce tarea como un cacho cu ta detecta narcotica.