De La Sallestraat – Diaranson mainta prome cu 10’or polis y ambulance a bay La Salle College, caminda tawata tin un pelea entre dos alumno.
Informacion adicional e momento ey a bisa cu, durante e pelea un di e muchanan a ricibi un golpi fuerte y no por a wak e momento ey.
Polisnan a wordo informa tambe cu aparentemente ya e skol e momento ey a informa mayornan di ambos hoben di loke a pasa.
Banda di e gym zaal por a wak polisnan y tambe dos recherche, nan a papia y tuma datos di un di e alumnonan cu a splica cu berdad ela bringa.
Motibo ta cu e otro alumno cu a resulta herida segun e alumno a conta polis, lo tawata buske problema pa basta tempo caba y cu awe ela cansa.
Ambulance tawata yegando e momento ey pa trata cu e alumno herida. Polis a bay e parti pariba di e skol, pa asina haya mas informacion di e caso y posiblemente avisa e maestronan pa regla e cuenta cu ambos alumno.