Jesse van Ruller ta un guitarista di jazz hulandes, compositor y profesor na e Conservatorio di Amsterdam. E ta conoci pa su sonido unico, tecnica virtuoso y bunita composicionnan. Naci y cria na Amsterdam, Jesse a cuminsa toca guitara clasico na e edad di 7 aña. Y tawata scucha Jimi Hendrix y Santana, el a gara e tecnica di “fingerpicking” cu no tawata e regla clasico.
El a sigui desaroya su habilidadnan den e genero di jazz, cu a resulta den alcansa su Summa Cum Laude na e Conservatorio di Hilversum na Aña 1995. Den e mesun aña el a gana e prestigioso “Thelonious Monk Award”, siendo e prome europeo pa gara e premio mericano aki.
E premio a habri hopi porta pa Jesse tanto pa grabamento di album den studio y bira parti di e “European Quintent “. Na comienso di aña 2000 el a lansa su prome album “Here and There”.
Ademas di ta lidera su propio grupo “Jesse van Ruller -Trio” y comparti e liderazgo den varios otro proyectonan, incluyendo el proyecto “Muzyka” cu vocalista Francine Gardens, e ta conoci como un “sideman” profesional.
Ora bo ta un guitarrista di jazz manera Jesse van Ruller, ta tuma talento serio pa bira mes admira y famoso manera e ta den e arena aki .
Jesse a graba dos album bao di su nomber y ta toca cu su propio trio y cuarteto (cu Karel Boehlee, Frans van Geest y Martijn Vink).
E por ser scucha tambe den un monton di otro gruponan manera : The Jazz Orchestra di e Concertgebouw, Michiel Borstlap Group, The Piet Noordijk Quintet y en duo cu e guitarista Maarten van der Grinten.
Jesse tambe a comparti scenario y tambe den studio cu musiconan manera Tom Harrell, George Duke, Christian McBride, Mike Stern, Kenny Washington, SfeQ, Benjamin Herman, Larry Goldings y Idris Muhammed.
E albumnan graba pa Jesse como un lider ta ser lansa pa Universal na Japon y nan ta hopi exitoso ayabanda . Su di tres CD “Catch” riba cual Roy Hargrove ta debuta cu tres piesa. E album a ser nomina pa e Edison Award den e cateria di Jazz.
“Jim Hall a bisa Esaki di Jesse: “ Un tocado bastante expresivo, realmente el a impacta mi riba un nivel personal”
E aña aki Caribbean Sea Jazz Festival tin e privilegio di introduci Jesse Van Ruller Trio na e Festival Plaza di Renaissance riba diasabra, 16 di september di 2017. No perda e festival mas vibrante di nos isla, cumpra bo ticket awe mes na Superfood y Casibari Café of online na: www.caribbeanseajazz.com. Pa solamente $ 65,-.