Home » Accidente fatal na Balashi, momento cu bus di Arubus dal peaton

Accidente fatal na Balashi, momento cu bus di Arubus dal peaton

by sxm
0 comment 138 views

Balashi – Diaranson mainta algo prome cu 6:30 Aruba ta conoce su prome morto den trafico.
Esaki ta sosode un poco mas pabou di e rotonde den construccion, di ex Drive Inn.

Den oranan trempan polis ta wordo manda cu urgencia pabou di e rotonde di drive inn, pa un bus di e compania Arubus cu a dal un peaton.

Na yegada di e patruya mes ora e ta wak e seriedad di e caso y ta pidi ambulance cu urgencia. E victima a ricibi hopi golpi y tawata tin dificultad pa hala rosea.

Ambulance cu a yega mes ora prepara e cabayero y sali cu maximo urgencia pa hospitaal. Pero prome cu ta yega hospitaal e victima ta fayece.

Loke a sosode ta cu e victima a baha for di un bus chikito y a cuminsa crusa cuminda y no a pone atencion ariba e bus grandi di Arubus cu tawata pasando. Impacto tawata net caminda chauffeur di e bus grandi ta sinta, pues e rand di e bus. Un impacto hopi duro mes, mirando cu e bus a haya un deuk grandi y tambe e windshield cu a kibra.

Instancianan concerni a wordo avisa y despues di investigacion caminda a wordo habri bek, algo prome cu 8:20.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio