Home Uncategorized Tragedia na Boegoeroei ta costa bida di dos persona, incluyendo un agente...

Tragedia na Boegoeroei ta costa bida di dos persona, incluyendo un agente policial

SHARE

Boegoeroei – Dialuna anochi den careda di 7:30 patruya di districto di Noord ta bay un asistencia pa loke ta parse un problema di famia.

Loke nan no tawata sa cu e asistencia aki lo bay completamente robes.
Esaki ta momento cu e agresor, cu ta un adicto y alabes un pashent di P.A.A.Z ta dal agente Ruiz un bloki di trincion.

Por bisa cu e prome bloki ya caba a herida e agente seriamente, cu e no por a haci nada mas.
E agresor di Fam Tjong Kon Sang a keda bati e agente repetidamente cu e bloki ariba su cabes, fracturando craneo di e agente.

Colega
Momento cu e colega probablemente lo a ripara esaki y tawata bise pa stop varios biaha e no tawata haci caso, aki ta caminda cu no a keda nada mas pa tira e homber. E agresor ta fayece al instante den cura di e cas. Banda di dje e agente herida mortalmente.

Ambulance a sali mes ora cu e agente, abordo tawata tin un dama cu lo ta un dokter. Caminda nan a wordo cera pa asina e ambulance por yega hospitaal lihe.

Den ambulance tambe por a wak un colega di e agente, cu tawata keda papia y tawata bise ” Ban Tino bo por, ban pami”. Pero algun minuut despues agente Ruiz ta fayece a base di e multiple golpinan ricibi di e bloki.

Informacion cu nos a haya ta indica cu e cas ey ta un cas conoci pa polis y e homber aki tambe. Den pasado ela yega di ataca polis caba cu cuchiu.