Home Uncategorized Minister di Asuntonan Economico di Aruba a ricibi Director ehecutivo di PAWA

Minister di Asuntonan Economico di Aruba a ricibi Director ehecutivo di PAWA

SHARE

E aerolinea regional ta interesa pa expande su vuelonan den Caribe

ORANJESTAD – Director Comercial di aerolinea Domincano, ‘Pan Am World Airways – Dominicana’ (PAWA), sr. Sebastien Garcia a reuni cu Minister di Asuntonan Economico Richard Arends e siman cu a pasa. Garcia a keda satisfecho con e reunion a bay cu e mandatario pasobra di parti di PAWA tin masha interes den desaroya nan frecuencia na Aruba pa di e forma aki tin un conexion mas amplio cu Caribe.

“Asina e hendenan di Aruba por biaha mas facil via Santo Domingo na tur e destinacionnan cu PAWA ta bulando. Pa nos ta hopi importante pa intercambia di pensamento cu autoridadnan local pa por sigui crece y conecta cu Caribe.” Garcia a splica cu awor nan tin 4 vuelo pa siman cu ta bula entre Aruba y Santo Domingo y den e periodo mas druk tin cinco vuelo pa siman. Esnan di Aruba por conecta cu vuelonan di PAWA via Sint Maarten, Corsou, Miami y San Juan.

E intencion ta pa wak con expande nan operacionnan y mira cua ta e posibilidadnan pa bin cu vuelonan entre Corsou y Aruba. Esaki ta algo cu mester sigui wordo discuti. “Minister a scucha nos. Nos ta bay bin bek cu un delegacion di ehecutivonan halto di PAWA pa wak con mas leu nos por negosha y logra nos meta. E mercado ta pidi esaki y nos ta haci tur lo posibel p satisface e mercado.”