Home Uncategorized Accident frontal entre chauffeur di un Toyota Tercel y un Toyota Yaris,...

Accident frontal entre chauffeur di un Toyota Tercel y un Toyota Yaris, cu tres persona herida

SHARE

Cashero: Diadomingo den oranan di mainta polis y ambulance ta wordo manda na Cashero pa un accident cu varios hende herida.

 
Na momento cu e patruya di polis tabata acercando e sitio di accidente nan a nota un Toyota Yaris cu basta danjo material,e mesora nan a sigui esaki, a par’e, mesora a nota cu e chauffeur di e Yaris tabata herida y cu tabata trata di un di e autonan involvi den e accidente y cu lo kier a cuminsa na bandona e sitio di accidente
 
Na e sitio polis a bin compronde cu ta trata di un accidente frontal, caminda e Yaris tabata biniendo di panort cu velocidad halto y e chauffeur no por a controla e auto, a hala na su man robes y a dal frontal contra e Toyota Tercel cu tabata biniendo di pazuid.
 
E dos chauffeurnan tabata herida y tambe un pasajero cu tabata den e Tercel cu no tabata tin su faha di siguridad bisti y door di e impacto fuerte a dal su cabes den e windshielda y tambe a keda herida, 
 
Personal di ambulance a trata e heridonan na e sitio y despues a transportanan pa hospital.