Home » Perona cara tapa a los varios tiro den Den Vuyst ayera nochi

Perona cara tapa a los varios tiro den Den Vuyst ayera nochi

by Admin
0 comments 170 views

Diadomingo den oranan di anochi[8:35] autoridad a wordo alerta cu a scucha un of mas tiro den De Vuyst.

Mesora polisnan di San Nicolas a move bay den e direccion.

Ey ta un nan a topa cu un scooter cu hende cara tapa riba dje den De Vuyst altura di Lago Heights supermarkt. E scooter no tawata tin number ni luz.

Ora e la mira e patruya e la cuminsa core pa polis . Polis a sigi su tras. Despues banda di Mount Scenerystraat e ta drenta un caminda di santo. E ta perde control dal abao y core drenta mondi.

Polis a bay su tras na pia y na dado momento nan ta wak e tira algo den mondi. Ta bay check y ta un arma di candela. Pero, lamentablemente Polis a perde e sospechoso for di bista.

A solicita pa departamento tecnico di polis y despues autoridad ta confisca tanto e scooter y e arma di candela.

Un cos ta basta sigur, ta cu arma di candela ta mustra di ta masha facil mes pa haya aki na Aruba, y no cos di awor.

 

You may also like