Home Lider di POR, Otmar Oduber: “Situacion financiero ta un desaster!”

Lider di POR, Otmar Oduber: “Situacion financiero ta un desaster!”

Oranjestad: Diaranson den oranan di atardi Lider di POR a pone riba su facebook personal lo siguiente:

Tanto Informador mr. Swaen como tambe e delegacion di POR, a keda sumamente desapunta den e cifranan presenta pa Dept di Finansas. Di un banda no a ricibi e informacion completo pidi pa Informador y di otro banda loke a wordo presenta ta mustra cu un desaster di minimo 200 miyon florin di deficit pa aña 2018 a wordo laga atras. Esaki mientras ta calcula cu aña 2017 tambe tin un risico di riba 120 miyon florin di deficit, pa cual e gobierno nobo lo mester entrega dos presupuesto (uno supletorio pa 2017 y uno pa 2018) prome cu dia 15 di december.

POR a mustra na Informador cu nos ta cla pa carga responsabilidad y pa mas pronto posibel ehecuta e puntonan den e programa di partido, “Vision 17-21, Hunto Nos Por”, unda lo mester cuminsa reduci gasto inmediatamente y inicia e proceso di un Revolucion Economico (sin medida) pa genera fondonan pa caha di gobierno.

Ta di spera cu e siman aki mes por firma un acuerdo di principio entre partidonan y asina cuminsa e proceso di forma un gobierno fuerte y solido pa e siguiente 4 añanan y mas.