Home » Flippys Fun Park: Monster Bounce ta pa henter famia y ticket ta cuminsa for di Afl. 39

Flippys Fun Park: Monster Bounce ta pa henter famia y ticket ta cuminsa for di Afl. 39

by Admin
0 comments 405 views

ARUBA — Mientras e entusiasmo pa Flippys Fun Park ta sigui crece riba rednan social, organisadornan ta ricibi e mesun preguntanan constantemente: e atraccionnan aki ta solamente pa mucha? Y kico e prijs lo ta? un famia lo por permiti su mes esaki?

Flippys Fun Park no ta un cos solamente pa mucha. E “Monster Bounce” ta diseña specificamente pa mama y tata por drenta y gosa hunto cu nan yiunan. E idea central di e parke ta pa henter famia bay gosa hunto, no pa e mayornan keda para wak.

Encuanto e tema di prijs, e organisadornan ta enfatisa cu e parke a wordo crea pa ta accesibel pa tur famia na Aruba. Mucha di 0 pa 2 anja ta drenta GRATIS. For di edad 3 bay ariba, cu e coupon di discount pa scol, un ticket di mucha ta yega Afl. 39, e prijs mas abou disponibel pa e evento.

Nos a tuma nota cu hende ta pensa cu esaki lo ta un evento pa turista of cu prijs halto. Esei no ta e caso. E embergadura di un projecto asina ta hopi costoso. Ta un operacion cu ta core den miles di florin. Asina mes a opta pa no cobra pa hora, sino cobra un entrada pa e parke y e persona por keda 6 ora di 4pm te 10 pm.

Tocante e fecha di apertura, Flippys Fun Park ta sperando confirmacion final di e linea di barco responsabel pa transporta e equiponan pa Aruba. Lo anuncia e fecha oficial di apertura asina cu e informacion aki wordo confirma.

 

You may also like