Sabana Basora: Diadomingo den oranan di atardi presencia di brandweer tabata wordo pidi cu urgencia na Sabana Basora pa un candela di mondi grandi cu tabata causando basta daño na un cas.
Bisiñanan a spanta mirando e grandura di e candela y nan tabata tin miedo pa nan cas tambe haya daño, e candela tabata un menasa pa un apartamento y algun cas cerca. E bisiñanan a tambe no a para keto y a cuminsa combati e candela cu hemchi di awa.
Na yegada brandweer mesora a cuminsa combati e candela, un cura di palo y algun mata di coco a kima por completo, tambe algun airco a haya basta daño y mas sigur no lo ta sirbi mas.
E parti pafo di e un apartamento cu tabata pega cu e mondi a sufri basta daño . Den e cura tabata tin muebles y baisnan cu a kima por completo.
Riba e tereno unda e candela cuminsa tabata tin sushedad pa algun tempo caba y no ta descarta e posibilidad cu e candela lo por a wordo cendi intencionalmente.