Macuarima – Diadomingo atardi alarma a wordo bati y mesora a lanta Helicopter pa bay area di Macuarima, pa un preso cu a huy.
Tawata den oranan di atardi pa mas o menos 4:15 cu un Guardia di CEA na warda di Macuarima a haya falta di un detenido. Mesora ela avisa e Chef van Dienst. Den e informenan no ta bisa con e detenido a huy.
E suerte ta cu e net e diadomingo aki tawata tin Guuardia di CEA, paso tin siman ta pasa dianan cu no tin guardia na Santa Cruz.
Aki ta sigui loke autoridad a manda diadomingo 6:51 p.m:
“4.15 e bewaker di CEA cu ta esun cu ta atende cu presonan na wardanan di polis a pone e chef van dienst di Districto di Santa Cruz cu un detenido a caba di huy.
E detenido su nomber ta:
Erick Arturo Minguel Junior SCHNEIDERS, roepnaam “Miguel”,
geboren op Aruba 29 december 1994.
E detenido aki ta sera pa un caso di asesinato y e ta sera na warda awo pendiente di un otro caso di intento di asesinato.
E detenido aki ta sumamente peligroso.
Cualkier informacion por jama nos tiplijn 11141”.
E homber aki ta cera awor na Santa Cruz paso hunto cu 2 preso mas a purba mata un otro preso den KIA luna pasa.
