ORANJESTAD, Aruba – Aruba Bank a aporta na e transmision di Copa America 2019 treciendo esaki mas cerca di comunidad di Aruba. Pa por a trece e weganan pa henter comunidad di Aruba, TeleAruba a firma un acuerdo cu Aruba Bank pa ta e patrocinado principal di e transmision. Desde e prome wega di Copa America 2019 a cuminsa Aruba Bank hunto cu TeleAruba a trece e alegria futbolistico pa Aruba y diferente oportunidad pa comunidad por participa, manera e Rupi Rupi Challenge, sponsor uniform di futbol, predici y gana.
Aruba Bank a patrocina e transmision for di El Gaucho, y den estudio di TeleAruba unda a saca ganadonan di diferente actividad. Cu e reto di Rupi Rupi Challenge tabata busca un persona cu por a bisa e palabra di gol Aruba Bank mas di 30 seconde largo. Ganado di e Rupi Rupi Challenge tabata Carlos Thode, kende a gana un experencia deportivo superior.
Pa sigui demostra nos sosten na futbol, nos a opta pa sponsor un team di futbol cu uniform
nobo. Despues di a ricibi varios sugerencia, nos a scoge pa sponsor uniform nobo p’e team
campeon di Division Femenino SV Britannia Damas. Aruba Bank a sponsor e uniform e team p’e campeonato nobo y pa representa Aruba na Nashville otro aña.
Por ultimo, Aruba Bank a scoge e ganado di e campaña Predici y Gana. E ganado a resulta den persona di Evelyn Peterson. Danki na un y tur cu a participa na e campaña aki. Un biaha mas pabien na tur fanatico cu nan team preferi cu a bay cu e titulo y tur ganado di nos campañanan en conexion cu Copa America 2019.
