Prome Minister Evelyn Wever-Croes a reuni siman pasa cu e representantenan di Kids Rights Empowerment, SeƱorita Janine Wever, Sr Edmar Gietel y Sr Jeremy Carti. Kids Rights Empowerment ta un organisacion cu ta traha riba conscientisacion contra secuestro di un mucha door di un di e mayornan. Lamentablemente sa pasa hopi cu un di e mayornan ta bay cu e mucha sin laga manera pa e otro mayor por tuma contact cu ne. Mirando e problematica aki a dicidi di lanta un organisacion pa conscientisa e tatanan riba nan derecho como mayor.Ā
Hopi biaha sa pasa cu ora un yiu nace e mayornan ta bay Censo pa asina e tata por reconoce e yiu y dun’e su fam. Lamentablemente esaki no ta suficiente pa duna e tata loke nos ta yama āouderlijk gezagā. Pa un tata por haƱa derecho riba āouderlijk gezagā e lo mester aplica p’e. Specialmente den e temporada di vakantie ora cu mayornan ta biaha cu e muchanan, Gobierno ta exigi imigracion pa pidi e mayor biahando cu e mucha un carta firma pa e otro mayor cu e ta duna permiso pa su yiu sali di Aruba. Aunke cu esaki ta un procedura poco fastioso, mester enforsa esaki pa proteccion di e mucha pasobra lamentablemente na Aruba tin casonan di mamanan cu ta bay vakantie cu nan yiu y no ta bolbe bek y vice versa. E lucha pa un mama y/of tata por haƱa wak nan yiunan bek ta uno hopi largo y dificil. Specialmente pa e tatanan haya e āouderlijk gezagā ta hopi importante pasobra ta di e manera aki so nan por legalmente exigi pa e mama trece e yiu bek Aruba.Ā
Premier Wever-Croes ta enfatisa riba e importancia pa cada tata busca nan derecho, pa asina nos muchanan por ta mas protehi, ya cu un di e metanan pa Aruba ta pa pone e muchanan central. Pa e motibo aki Premier Wever-Croes ta compromete su mes cu e organisacion di Kids Rights Empowerment pa traha hunto y asina conscientisa e tatanan y cambia e leynan necesario pa protehe nos muchanan.Ā
Segun Premier Wever -Croes: āCada mucha tin derecho di tin su mama y tata den nan bida y no mester wordo perhudica den caso cu e relacion entre e mayornan no ta bon masā.
