124
Hooiberg – Diabierna anochi polis a bay un poco mas pariba di Well Well pa un accidente di trafico.
Na yegada polisnan a topa cu un Ford Taurus y un Chevrolet Blazer. Na stuur di e Blazer un chauffeur burachi.
E accidente a sosode na e crusada di Hooiberg cu ta bay pa Santa Marta. Chauffeur di e Blazer lo no a realisa cu ela yega e crusada y a dal tras di Ford.
Polis a detene mesora pa core auto bou influencia. Manera por mira ariba e imagennan, e chauffeur di e Blazer tawata asina burachi cu e no por a keda para ariba su pianan.
