ORANJESTAD, Aruba Desde cu Copa America 2019 a cuminsa Aruba Bank a partner up cu TeleAruba pa asina transmiti e weganan atraves di canal 23. Diamars ultimo TeleAruba a transmiti e wega entre Brazil y Argentina y a saca e ganado di e “Rupi Rupi Challenge”.
Hopi ta esunnan cu ta sigui e wega via TeleAruba y a participa den e reto di Rupi Rupi. E participantenan mester a haci e grito di gol mas largo cu Rupi Rupi. E ganado di e Rupi Rupi Challenge a keda en persona di Carlos Thode. Un palabra di Pabien na e ganador y na tur cu a participa!
Aruba Bank ta recorda tur hende pa sigui share e raffle di “Predici y Gana”. Ta invita henter comunidad pa sigui experencia deporte superior. Sigui e transmision di TeleAruba pa haya sa cua seleccion lo bira campeon di Copa America 2019.
