Sasakiweg, Bubali: Dialuna algo pasa di 6’or di atardi, un patruya di noord ta topa cu un boksmento entre un Van Toyota y un Toyota Yaris, riba e caminda di Sasaki bayendo direccion noord entre Rotonde Superfood cu Lusnan di trafico di Wendys. Mesora a nan a baha pa mira kiko a sosode.
E chauffeur femenino di e Toyota Yaris a splica polis cu nan tabata bayendo direccion noord y na dado momento e Toyota Van pa un of otro motibo a hala na su man robes y a dal contra nan auto.
Polis a bay atende cu e chauffeur di e van pero a ripara cu e ta bou influencia, mesora a haci test di alcohol cune, y ela supla mas di loke ta wordo permiti. Polis a detene e homber y a transport’e pa warda di polis. Mirando cu den e van tabata tin articulonan di balor, e polisnan a dicidi di hiba e van na Warda di polis.
E Toyota Yaris su wiel banda drechi a kibra y no por a core mas. E daño material tabata minimo y no tabata tin niun persona herida.