Bushiri: Dialuna algo pasa di 7’or y mey di anochi, alarma a wordo bati cu tin un persona benta riba caminda, un poco pariba di e supermarket, Grand Ocean na Bushiri. Mesora a pidi pa presencia di polis y ambulance
E victima tabata un dama di edad, e tabata benta canto di caminda, hopi cerca di caminda y e tabata keha di dolor. No ta conoci kiko ta e motibo exacto cu e dama aki a cay.
Chauffeurnan atento cu e topa cu e dama aki benta canto di caminda, mesora a sa di bati alarma y blokea e caminda pa asina evita lo peor.
Polis y e auto di Rapid Responder di ambulance a yega hopi lihe na e sitio y a cuminsa trata e dama, mientras tabata wardando riba yegada di ambulance pa transport’e pa hospital.
Algun persona cu tabata na e sitio aparentemente lo a reconoce e dama aki y cu e ta biba hopi cerca di e minimarket.