ORANJESTAD, Aruba – Na aña 1999 Brouwerij Nacional Balashi a bin cu su cerbes Balashi, pero e mesun aña ey a lansa Malta Balashi. Despues di 20 aña Malta Balashi ta conoce un cambio den su logo. No a cambia solamente e logo, pero henter e estilo cu un bachi nobo. Despues di a busca diferente look nobo pa Malta Balashi, pero e colornan di nos bandera di Aruba a inspira e team di marketing di Malta Balashi.
Pa por a crea e look nobo di Malta Balashi, a dura 3 luna. Tabatin un consensus den e compania despues di a haci un encuesta publico over e Malta y despues di a revisa tur contesta, a scoge e look di nos bandera. E obhetivo di e cambio ta pa modernisa e look di Malta Balashi, pero no pa haci un cambio drastico. A logra bin cu e obhetivo desea y awo Malta Balashi tin un look nobo.
Dialuna awo lo tin un Breakfast Tour, unda team di Malta Balashi lo bishita 3 snackbar. Tur cu cumpra un snack ta haya 1 Malta Balashi gratis pa por mira e look nobo. Malta Balashi tin un imagen nobo pero a keda cu su mesun dushi sabor.
FIN
