Dama burachi na stuur: Accidente cu hopi daño material diabierna marduga

Morgenster – Diabierna marduga pa mas o menos 2’or polis a bay e crusada conoci na Morgenster, pa un accidente basta serio.

Habitantenan drumi a wordo lanta diripiente pa un zonido hopi duro.

Na yegada polis a haya dos auto total los. Tawata trata di un Ford Escape color y un Toyota Rav.

E Ford Escapa tawat tin na stuur un dama, cu tawata bou influencia. Segun e dama e tawata ariba caminda di preferencia, loke no tawata cuadra.

Elo a subi e crusada sin duna preferencia na e Toyota Rav.

Agentenan na e sitio a bay over na detene  e dama chauffeur.

Pa loke ta chauffeur di e Rav, ela wordo atendi na e sitio mes door di Paramediconan.