Pa medio di e comunicado aki, ‘GRUPO STIMAMI’ ta informa cu nos biahe pa Cuba pa representa Aruba den e Feria Internacional “Fiesta Del Caribe 2019”, fecha 30 June – 10 July 2019, a keda cancela.
E motibo ta cu nos ta haya irresponsabel biaha pa Cuba mirando e situacion tenso cu tin entre Merca, Venezuela y Cuba na e momentonan aki.
Un otro factor ta, cu a purba haya yudansa pa medio di manda carta pa aporte financiero pa varios instancia y comercio. Lamentabelmente ningun no a ni reacciona. Asina tin hopi ta bisa di tin nos Folklore y Cultura na pecho.
Nos Si di GRUPO STIMAMI lo sigui promove loke ta di Nos. Sinembargo GRUPO STIMAMI no por keda sin menciona si un persona, e Unico persona cu cierto momento, si tawata dispuesto pa yuda, cu ta nos Minister di Salubridad, Turismo y Deporte, Sr. Minister Dangui Oduber.
Nos ta yama un Danki grandi na Sr. Minister Dangui Oduber cu Si a kere den nos y den loke nos ta y kier haci. Danki Minister D. Oduber. Tambe na tur persona cu di un forma of otro a contribui cu nos diferente evento pa recauda fondo pa e meta ariba menciona.
Alabes nos ta invita pueblo cu ta stima nos Cultura y nos musica Tipico pa “LIKE” nos pagina di facebook Grupo Stimami pa keda al tanto di nos presentacionnan.
Pa presentacion por tuma contacto cu sr. Freddy Maduro na tel 568-6129 of e integrantenan.
