121
ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di San Fuego cu dialuna dia 24 di juni 2019 lo bay cer’e parcial pa asfalt’e.
Trabounan preparativo lo cuminsa dialuna dia 24 di juni 2019 y nos lo asfalta dia 27 di juni 2019.
E caminda cu lo haya asfalt ta di San Fuego 52C te cu San Fuego 55H
Ta bay indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
