Montaña – E caya panort di e Compleho Deportivo Frans Figaroa mester atencion urgente di City Inspectors.
E caya tur hende cu pasa den por mira e sushedad ariba caya, cu ta hopi.
Den bocht pariba un persona a dicidi di pone no 1 pero 4 auto bieu cerca di e cura di e Stadion. Ariba nan ela marca prijs, pues te hasta pa bende nan ta.
Segun un habitante e vehiculonan ey tin mas cu 1 aña na e mes un sitio, nos ta sigur cu Departamentonan cu por haci algo ta of a pasa banda di nan.
Pero, niun hende ta kitanan of bisa e doño kitanan.
Sigur un mahos bista.
Un otro habitante a manda carta pa City Inspector cu e imagennan, pero no ta compronde pakiko nan no ta haci nada.
Un poco mas pabou tin un cas bandona, pero ta parse manera tawata tin un problema eynan.
Masha hopi cosnan cu tawata den cas awor tur ta benta pafo ariba acera, y no ta trata di un cashi so pero hopi cos. Na banda di e cas por mira un otro auto bieu mas laga ariba caya.
E tipo di cosnan aki no mester pasa, paso si e persona no tin manera pa benta su cosnan bieu afo e por contact Serlimar/City Inspector y mira kiko nan por yude cune.
Pues Departamentonan concerni ban haci e caya panort di Stadion Frans Figaroa limpi, paso asina aki no por.
