Diasabra anochi Rotary Club of Aruba a presenta nan directiva 2019-2020. Durante un anochi ameno den Alhambra Ballroom e publico presente a sera conoci cu e miembronan di e directiva nobo. E anochi aki tabata sumamente special ja cu ta pa prome biaha ta instala un presidente femenino. América Barrios ta forma parti di Rotary Club of Aruba desde 2011. América a keda apunta come e presidente 2019-2020 y e miembronan di e directiva a keda como lo sigiente: Emilie Arends (secretaria), Walter Mosher (tesorero), Edsel Lopez (presidente saliente), Geert Rep (vice presidente), Rubiela Lampe-Chiquito (relacionista publico), Milton van Brussel (miembrecia), Orlando Hoevertsz (projectonan), Diego Acevedo (Fundacion Rotary International) y Liesbeth Keppel (sergeant at arms).
Durante su presentacion América a enfoca ariba e importancia pa ta un miembro di Rotary i e impacto cu Rotary tin ariba nos comunidad pero tambe ariba e miembro nan mes. Manera ta conoci Rotary Club of Aruba ta yuda diferente fundacionan na Aruba. Door di keda organisa evento nan pa recauda fondo, Rotary ta keda hasi impacto ariba esnan cu mas mester di dje. E anja aki e enfoke lo keda ariba yuda diferente fundacionan pa asina crece den impacto i conectando tur partners importante den comunidad. Alaves tuma accion pa sigui bin cu ideanan pa hasi un cambio pa mihor den nos comunidad. Cu esaki América i su directiva nobo ta uni su mes na e strategia i tema di Rotary International: “Rotary Connects the World”.
América ta gradici Edsel i e directiva saliente pa e bon trabao. Ademas América kier a duna un danki na e comision cu a organisa e anochi bunita aki y sin laga afo e staff di Divi Resorts y Alhambra Ballroom.