Sero Pita – Diasabra algo pasa di mey anochi polis a bay ariba e caminda di Sero Pita, pa un auto cu a alcansa un ciclista y cu su situacion ta basta serio.
Na yegada polis a topa un cabayero benta ariba caminda y su bicicleta un banda. E cabayero tawata tin un golpi serio na cabes.
Memey caminda un auto Toyota Agya, dilanti di e auto por a mira e windshield destrui, indicando cu e ciclista durante e impacto a cay ariba e windshield.
Na e sitio polis a constata cu e chauffeur di e Toyota tawata bastante bebi y a bay over mesora na detene.
Na yegada di ambulance Paranediconan mesora a cuminsa prepara pa lanta e ciclista cu ta un persona di edad.
Despues di algun minuut di e stabilise den ambulance a sali direccion Hospital cune.
Segun nos a compronde na e sitio su situacion ta stabiel, pero toch Paramediconan ta poco preocupa mirando cu ta trata di un golpi hopi duro.
Nos a compronde cu e ciclista probablemente tambe tawata bou di influencia.
A pidi presencia di Departamento di trafico.
