Palm Beach: Diadoming un poco despues di 3’or di marduga, presencia di polis ta wordo pidi na e parkinglot di South Beach, pa un caso di destruccion cometi na un auto.
Na yegada, e agentenan policial a topa cu un cabayero, kende ta doño di un BMW, color shinishi, ela splica polis cu e ta un bouncer cu ta trahando na South Beach y cu despues cu ela para dos homber na porta y a nenga nan entrada, esaki no a cay den bon tera cerca e dos hombernan aki y aparentemente esaki a pone cu nan a bay na su auto y a destrui e windshield di su auto cu un coffee mug.
E dos hombernan despues di a comete e destruccion a bandona e sitio den un Toyota Altezza color blanco.
E agentanan Policial na e sitio a tuma tur datos y alabes a splica e bouncer e caminda cu e mester cana y mester pa bay recherche pa asina e caso aki por wordo poni bou investigacion.