211
San Nicolas – Diahuebs merdia polis y ambulance a bay cu urgencia altura di New Food Center, unda un accidente entre auto cu brommer a sosode.
Na yegada a topa cu e motociclista cu ta un dama ariba caminda, un rato prome elo a dal contra un Mitsubishi Lancer.
Loke a sosode tawata cu e brommernan tawata bay direccion pabou, un brommer a logra pasa ma banda drechi di e Lancer.
E dama motociclista lo a bay pasa e Lancer na su banda robes, y aki posiblemente e chauffeur lo no a mira e brommer y a bira na su man robes.
Esaki a causa cu e brommer a dal den e porta banda di chauffeur, pa despues cay y keda ariba caminda.
Paramediconan a yega na e sitio y mesora a cuminsa atende e dama, cu danki Dios no tawata di e grave ey.
