Parlamentario Robert Candelaria di e Fraccion di AVP, siguiendo di cerca e declaracionnan di Minister dr. Rudy Lampe durante e siman aki, a lamenta e hecho cu e mandatario ta cuestiona profesionalismo di hendenan cu hopi aña di experiencia/experticio den e ramo di adiccion. Tur esaki den un afan pa defende e intencion di su partido y su Gobierno pa legalisa droga na Aruba, scondi bou capa di medicinal, pero mara na cultivo propio na cas.
Expertonan local na Aruba bisando mesun cos, Marihuana ta un di e droganan cu adictonan ta experimenta cune prome cu nan bay na droganan mas pisa. Locual cu ta berdad tambe ta cu no ta tur hende cu a uza marijuana ta bira un adicto, pero locual cu si ta berdad ta, cu no por uza palabra bunita pa lag’e zona mas nechi cu e ta: Hendenan cu ta adicto of cu tabata adicto ta bisa cu nan a cuminsa dor di uza Marihuana y no di e otro banda. No ta solamente Minister Lampe su expertonan, pero tin mas experto tanto local como internacional cu ta mustra e banda cu nos tin cu tene cuenta cune.
Parlamentario Candelaria a remarca cu Minister Lampe a enfatisa di kier yuda den e problema di adiccion, yuda pone un stop, anto no por haci esaki bisando cu ta bay legalisa Cannabis. Informa pueblo di su riesgonan, traha riba prevencion, no legalisa! E ta prohibi caba, lag’e prohibi, laga e ley keda haci su trabou di bisa cu no mag.
Den su entrevista Minister Lampe a menciona cu Gobierno su intencion ta di spar placa, baha gasto. E forma real cu bo ta yuda combati adiccion ta PREVENCION, no legalisacion. Uzando como ehempel, Parlamentario Robert Candelaria a bisa, nan kier pone e cos bo dilanti, pone riba mesa y bisa bo miho bo no uz’e pasobra bo por bira adicto, anto e ora no bin cune!
Importante e ora pa comunidad stop di haya señalnan mixto di Gobierno y den e caso aki di Minister Lampe. Gobierno tin cu bisa nan ta contra y cla y esey nan no ta haciendo. Adiccion ta algo serio y delicado. Tuma ehempel di e experiencia propio di Parlamentario Ricardo Croes (RED). Mayoria adicto ta bisa Bo mesun cos, nan a cuminsa na Marihuana y despues na droga mas pisa. Un Gobierno cu realmente ta aprecia su pueblo no por bisa ‘Ban legalisa marihuana’, nan NO por ta serio!
