Tanki Leendert – Diabierna marduga Atraco Team hunto cu Team di Aresto a haci un inval ariba un cas na Tanki Leendert.
Esaki tawata relaciona cu un intento di atraco algun siman atras ariba Citgo Paradera.
E incidente a tuma luga momento cu e pompstation a cera caba, tawata 11:04 p.m .
Diripiente un auto, lo tawata trata di un auto cu stuur banda drechi.
For di e auto a baha un of mas persona, cara tapa y den man un arma di candela.
Algo a bay robes, y mesora nan (atracadornan) a bandona e sitio. Pero, kizas nan no tawata sa cu loke nan a caba di haci tur cos a wordo graba, door di camaranan di siguridad.
E dia anochi ey, polisnan a wordo avisa y mesora a yega e sitio. Solamente loke por a haci e anochi ey tawata tuma datos y kizas nan a por a mira e video.
Asina dianan a pasa, pero mientrastanto Atrco Team tawata haciendo su investigacion.
Dibierna marduga a drenta e cas na Tanki Leendert, unda nan ta detene e homber Lugene Leonard G (24).
A rista full e cas y no a haya arma di candela, pero si artefactonan cu lo a of por wordo usa pa comete atraco.
, por ehempel mascarada.
A rista tanto paden y pafo.
E investigacion ta continua y mas cu logico mas detencion lo bay cay, paso no ta un persona so tawata presente e anochi ey pa a comete e atraco ariba Citgo Paradera.