ORANJESTAD, Aruba – 20 di Mei 2019: Aruba Bank a forma parti di e di 27 edicion di Ronde van Aruba cu a conta cu un gran participacion. Nos a brinda sosten na Pauline Vackier y Nienke Luttikhold. E duo dinamico a sali na prome lugar den nan categoria.
Pauline Vakier a participa den Ronde van Aruba 2018 y a competi den e categoria di Estafette, tambe ta e ganado femenino di Aruba Bank Walk and Run 2018. E tabata den e top 5 coredo femenino “overall”.
Nienke Luttikhold tambe a participa den e Ronde van Aruba na 2017 y 2018 den Duo Mix y Estafette. Den e categoria femenino di Aruba Bank Walk and Run el a termina na di 3 luga.
Aruba Bank ta kere den promove deporte y salud den nos comunidad atraves di atletanan y eventonan deportivo. Way to go ladies!