Sero Janchi – Diadomingo den oranan di marduga polis a bay un adres situa na Sero Janchi, caminda lo tin problema y hende herida.
E problema a cuminsa momento cu un tata lo a haya falta di su yiu muhe na cas, esaki tawata den oranan di marduga.
Aki ta caminda cu e tata a rabia y aparentemente lo tawata sa unda e yiu muhe ta, esta cerca un guy na Sero Janchi.
Segun nos a compronde e guy aki no ta bon mira cerca e tata.
Na yegada di e tata na Sero Janchi cos a bay for di man. Eynan problema a start unda e tata a pasa su man door di glas, heridando su mes seriamente.
Na e sitio dos persona a wordo deteni, e tata y a guy. Den transportwagen tawata tin basta sanger debi cu e tata su herida tawata sangra. Na warda e guy tambe a cuminsa keha cu e tin glas den su wowo.
Ambos na final mester a haya tratamento medico pa nan herida.
