Minister Ruiz -Maduro cu palabra di aprecio pa Nai Felicia pa mantene nos tradicion y cultura di Caha di Orgel bibo

ORANJESTAD – Diadomingo a tuma lugar un bunita evento di Caha di Orgel organisa pa sr. Nai Felicia pa di 10 aña consecutivo. Minister Xiomara Ruiz-Maduro tabata presente, tabata reina un dushi ambiente na unda cu tabata tin hopi invitado coomo tambe di pais ruman Corsow, entre nan, colega Minister di Cultura di Corsow sra. Marlyn Alcalá-Wallé. Minister Ruiz-Maduro a probecha pa toca un tiki Caha di Orgel y tambe a baila, pasobra manera e mandatario semper ta expresa, Nos Cultura, nos tin cu bib’e. E mandatario a expresa su orguyo y alegria pa como Minister di Cultura e por baila, canta y tin biaha hasta toca pa asina duna balor na cultura di su Pais Aruba. E mandatario a gradici Sr. Nai Felicia pa e evento pa sigui mantene nos tradicion y engrandece nos cultura di Caha di Orgel brindando oportunidad na tur doño y tocadornan di Caha di Orgel pa expresa nan talento, creacion y musica di Caha di Orgel pa nos pueblo.