Manera ta conoci partido MEP a anuncia recientemente cu nan ta sostene e candidatura di Samira Rafaela (D66) pa Parlamento Europeo. Samira Rafaela ta number 3 riba e lista di D66 pa Parlamento Europeo y atraves di esaki su persona lo por nifica hopi pa Aruba riba diferente topico manera enseñansa, agricultura, economia y clima.
REUNION CU sra. EVELYN WEVER-CROES Y sra. XIOMARA RUIZ-MADURO
Samira Rafaela a intercambia riba diferente topico cu Minister President y Minister encarga cu economia. A elabora specificamente riba e retonan cu pais Aruba ta confrontando pa loke ta Venezuela y e rol importante cu Union Europeo por nifica structuralmente pa nos pais. E maneho nobo economico cu Minister di Economia a presenta recien tambe tawata un topico interesante. Specificamente a delibera riba e rol cu Union Europeo por nifica pa yuda concretisa proyectonan.
UNIVERSIDAD DI ARUBA Y VNO
Un di e bishitanan importante cu Samira a realisa ta na Universidad di Aruba cu sr. Dr. Glen Thode. Akinan a elabora extensamente riba posibilidadnan cu Union Europeo por nifica pa Aruba. Manera ta conoci recientemente Gabinete Wever-Croes a logra haya fondo di Union Europeo pa traha e facultad nobo di Universidad SISSTEM. Den cuadro di esaki a explora otro posibilidadnan tambe pa realisa proyectonan den futuro riba tereno di innovacion, enseñansa, agricultura y clima.
SOCIAAL CRISISPLAN
Samira Rafaela mes tin amplio experiencia riba topiconan di relevancia riba veld social. Actualmente e ta traha den alto mando di polis na Hulanda, caminda e ta conseha alto mando riba topiconan di inclusion y seguridad. Den cuadro di esaki a haya un presentacion amplio di directora di “Directie Sociale Zaken” riba e Sociaal Crisisplan. Adicional tambe a bishita e proyecto di formacion social pa haya un bista di e proyecto aki y papia cu e hobennan.
PA CONCLUI
Por wak bek riba un bishita di trabou sumamente exitoso den e sentido cu Samira Rafaela conoce e retonan cu nos ta confronta despues di a papia cu personanan den Gobierno, di departamentonan gubernamental y personanan den nos comunidad. Na mes momento atraves di Union Europeo e lo sa con pa logra aporta na e plannan concreto di Gabinete Wever-Croes pa surpasa e retonan aki.