192
Hato – Diahuebs den oranan di mainta informacion a drenta cu un auto a cay den e greppel na Hato.
Tawata trata di un Toyota Yaris color cora. Loke nos a compronde tawata cu e chauffeur, cu ta un dama lo a bay skirbi algo ariba su man aparentemente.
Esaki lo a causa cu ela perde control ariba su vehiculo y bay termina den e greppel. Parse cu e auto a keda lastra den e greppel.
Algun persona den e area cu a mira kiko a pasa mesora a bay yuda. Na prome instante tawata dificil pa e dama a sali, debi na e posicion cu e auto tawata.
Na final ela logra sali via e parti patras di e auto, esta e bahul. E dama no tawata herida danki Dios, pero mas tanto spanta.
Polis a wordo avisa y tambe Forensys. Takelwagen a wordo pidi pa saca e vehiculo.
