J.E Irausquin Boulevard – Diaranson atardi laat patruya a topa cu un Toyota Yaris color berde para unda busnan ta para. Esaki tawata banda di hotelnan High Rise.
Polisnan a baha y a bay atende cu e chauffeur. Despues agentenan a dune ordo pa e bay para den e parkeer plaats di The Village.
Tur hende den e auto mester a baha. Polisnan ta hopi atento ariba Taxinan pirata den e area aki, y mirando unda e tawata para a hala nan atencion.
Ora di a pidi pa papelnan di e auto, esakinan no tawata na ordo. E plachi number no tawata cuadra cu e vehiculo. Segun nos a compronde cu e chauffeur no tin nada di haber cu taxi pirata.
Takelwagen a presenta y a bay cu e auto.
E fenomeno di Taxi Pirata ta hopi na moda, y ta cantidad di biaha polis a gara varios di nan.
Y ta pa e motibo ey polisnan a bay controla e auto aki, debi cu tawata para unda busnan mester para.
