Turibana – Diaranson den oranan di merdia polis a bay un cas na Turibana pa un caso di destruccion.
Polis na su yegada a baha y bay paden, polis a keda basta rato paden pa atende e problema.
A resulta cu tawata trata di un problema entre mama cu un yiu di 19 aña.
E mama preocupa a conta polis cu e ela haya discusion cu su yiu di 19 aña. Dado momento e yiu cu no ta respeta su mama a cuminsa destrui cos den cas.
Polis a tende ambos banda y mas cu claro a papia seriamente cu e yiu. A splike cu loke a pasa ta inaceptabel y cu mester respeta su mama.
Si tin problema mester tin un manera drechi pa trata cu e problema.
Asina mes e mama no kier a entrega keho contra su yiu, pero si tawata kier pa polis papia duro cu e yiu.
Polis a haci esaki y despues a bandona e adres.
Mainta na Tarabana un mama a wordo seriamente maltrata door di su yiu muhe, algo hopi lamentabel.
