Savaneta – Diadomingo marduga ta sosode un accidente basta serio dilanti Ritz na Savaneta. Den e accidente lo tawata tin un Jeep di polis envolvi.
Tawata den careda di 4’or a.m cu un Jeep di Kust Surveillance ta para un pick up e motibo ta desconoci, esaki tawata altura di ex Hulp Bestuur Kantoor di Savaneta.
Mala suerte ta persigui Kust Surveillance
Mala suerte ta persigui esnan di Kust Surveillance, ora cu Scion biniendo di pariba cu velocidad halto a dal tras di e Jeep Wrangler, lagando e total los.
Fuera di esey, 3 agente ta resulta herida.
Di parti polis e siguiente informacion:
“Diadomingo madruga pa 4:25 central di polis ta wordo notifica door di coleganan di kust surveillance cu nan ta envolvi den un accident na altura di ex hulp bestuurskantoor Savaneta. Na yega di patruya ta pidi pa ambulance di biaha mirando cu tin 3 colega di kust surveillance herida. Por a bin compronde cu probablemente e kust surveillance a bay para un pick up toyota hilux y durante nan ta bezig ta atende cu e chauffeur di e pick up , un toyota scion shinishi biniendo abao a bin dal tras di e kust surveillance cu concecuencia cu 3 colega a keda herida . E chauffeur di e toyota scion a wordo deteni y hiba warda di polis.
Specialista di trafico a presenta y tambe polis technico pa haci nan investigacion.
E tres coleganan a wordo transporta pa hospital y nan situacion ta stabiel”.
Ultimamente ta masha hopi auto di polis a wordo kibra durante trabou.