Sasaki – Diaranson anochi algo prome cu 8’or varios patruya di polis y tambe autonan di recherche a sali pa Pizza Hut ariba Sasaki.
Na prome instante hopi hende a pensa ariba un atraco.
Pero esaki no tawata e caso. Prome informacion a papia di un pelea formal den e establecimento y tambe lo tin arma envolvi.
Ariba parkeer plaats tawata tin un batayon di polis.
E situacion tawata un poco bruha.
Por a mira cu recherche a papia cu ambos partido, y ambos a duna nan version.
Despues di un rato por a mira un grupo grandi di hende sali y bandona e sitio. Pafo por a scucha cuenta di menasa di cuchiu, pero polis no a worry of no a scucha esey.
Paden lo tawata tin un fiesta di mucha andando y muy probablemente dilanti muchanan problema lo a start entre dos “grupo”.
Pa evita mas problema polis a core cu ambos grupo.
No a haya nada di arma y niun persona a wordo deteni. Algun siman atras tambe tawata tin problema entre adultonan, unda un homber a wordo deteni.