Falta di preferencia a causa accidente na Boegoeroei, un persona a resulta levemente herida

Boegoeroei – Diaranson atardi polis a bay e crusada pazuid di Hong Fa bar restaurant na Boegoeroei, unda un accidente di auto a sosode.

Na yegada nan a bin topa cu un auto marca Honda memey caminda para y cu daño padilanti.
Pabou di caminda tawata tin un Blazer color blauw.

Na e sitio nos a compronde cu e Honda lo no a duna e Blazer preferencia, door di a subi su dilanti.
Den e impacto e Blazer lo a spin y bay keda para pabou di caminda.

Un dama den e Honda tawata sinti dolor na curpa, y a pidi Ambulance.
Na yegada Paramediconan a atende cu ne y despues a sali direccion Hospital cune.