Dianan 25, 26, 27 y 28 di April Proximo, lo tuma luga riba e cancha nan di Aruba Racquet Club e di 9
torneo Internacional Hubenil di tennis, cu ta hiba e nomber “COPA EDDY RAS 2019.”
Na aña 2010, a dicidi di organisa un evento/ torneo di tennis cu e siguente metanan :
ORGANISA E EVENTO ANUAL, PROMOVE E DEPORTE DI TENNIS LOCAL RIBA UN NIVEL
HALTO”, Y DUNA E TORNEO E NOMBER Y HOMENAHE NA ARUBA SU
“ ALL AROUND SPORTSMAN ” ; “ RIDDER IN DE ORDE VAN ORANJE-NASSAU ” ;
“ GODFATHER OF ARUBA TENNIS ” , TENISTA LEGENDARIO
Sr. EDUARD A. “ EDDY” RAS .
Eventonan asina naturalmente ta bin cu hopi gasto pa organisa.
For di comienso a “Set Out” pa busca PARTNERS/SPONSORS nan cu ta hiba e mesun vision y cu ta
yuda hiba e deporte dilante en General.
Awe, 9 Aña despues nos ta orguyoso di anuncia cu BANCO DI CARIBE ; AUSTRALIAN GOLD &
GUARDIAN GROUP lo ta pa e di 9 BIAHA CONSECUTIVO, e motor tras di e evento aki.
hunto cu Co-SPONSORS ; PRICESMART ( 6 BIAHA CONSECUTIVO ), Y e sponsors nobo;
GLITZ CASINO y GOBIERNO DI ARUBA, cu ta forma Parti di e “ TENNIS GOODWILL
EMBASSADORS” pa cu e realisacion di e evento pa e aña aki.
UN INMENSO GRADICIMENTO TA BAY PA NAN, CONTRIBUYENDO CU E DESAROYO DI
NOS TENISTANAN HUBENIL LOCAL.
E aña aki, e siguiente paisnan ta honra nos cu nan bishita : Curacao, Bonaire, USA, Suriname &
Venezuela. Nos por conta cu participacion di mas of menos 150 tenista hubenil internacional y local, den
diferente categoria.
Participantenan ta Varia di edad for di 5-18 Anja Mucha Homber Y Muher di nivel Beginners te cu
Advanced.
Nos tin e honor di menciona cu e anja aki e torneo lo ta bou di Auspicio di ARUBA LAWN TENNIS
BOND, cu ta hasi e Torneo un “RANKING NATIONAL.”
E Torneo ta cuminsa dia 25 di April 2019 proximo, pa 5’or di Atardi. Tur e participantenan lo recibi nan y
programa di wega pa e siguente dianan, huntu cu nan “Tournament Tshirt” & nan “GoodieBag” yena cu
gift items di e Sponsornan. Pa inaugura e evento lo tene e apertura ceremonial y defile pa 6:00PM
Nos ta orguyoso pa bisa cu hunto cu e nos “PARTNERSNAN”, a logra recauda un suma pa donation na e
Fundacion di DOWN-SYNDROME ; “ SEA BUNITA SEA BO MES” pa segunda vez, di cual nos lo
entrega durante e apertura ceremonial.
Na nomber di e sponsorsnan, e organisadornan, nos kier hasi un yamada pa tur e fanaticonan di tennis na
ARUBA, pa bin Celebra e di 9 Aña di COPA EDDY RAS cu nos dia 25 di April @ 6:00PM.
Durante e transcurso di dianan 25 – 28 di April, lo tin riba 180 wega hunga durante dia .
Na tur esnan cu no a inscribi ainda, Inscripcion ta cera dia 23 di April 8:00PM. Pa mas informacion of
participacion, tuma contact cu nos libremente na +297 7317211 of 297 5666094. Por Email bo Entry
Form na [email protected].
Un deportista mas ta un delincuente menos.
POR FABOR APORTA CU NOS SPONSORNAN!!