Paradera – Diasabra atardi polis y ambulance a ser manda cu urgencia poco mas pariba di Charly Rumshop, den e bocht direccion Paradera. Un accidente serio lo a sosode.
Habitantenan a scucha un zonido hopi duro. Na yegada di polis nan a topa cu dos auto pega contra otro. Tawata trata di un accidente frontal.
E autonan envolvi tawata un Hyundai Getz y un Hyundai Accent. Varios persona a resulta herida.
Loke a sosode
Na e sitio por a mira lastronan di brake di ambos auto.
E brake di mas largo ariba caminda tawata di e Getz berde.
E Hyundai Getz lo tawata bayenendo direccion Paradera, momento cu ela bay pasa auto den e bocht.
Esaki tawata momento cu e Accent bayendo direccion Sero Patrishi ta haye confronta cu e Getz ariba su banda y nan ta dal frontal. Ambos auto kedando total los padilanti.
Na e sitio por a mira presencia di 2 ambulance y tambe brandweer pa saca un ocupante di e Hyundai Accent.
Polis a cera ambos banda di caminda, pa asina unidadnan di rescate por a haci nan trabounan.