Eagle – Diasabra den oranan di mainta pa merdia, polisnan a cera e area rond di Oceania.
Oceania ta e condominionan luhuso nan Eagle.
Trafico tawata wordo desvia.
A resulta cu tawata trata di un Bom Melding, na dicho luga.
Segun nos a compronde, un turista of famia turista pa ekibocacion a pasa man pa un tas robes altura di e pool.
Ora ela yega na su camber a realisa cu esaki lo no ta su tas. Ora ela mira aden ela ripara algun cos cu e no tawata sa kiko nan ta.
A avisa esnan encarga cu e seguridad y nan tampoco cu lo no tawata sa kiko e ta a bati alarma. Nan a pensa cu lo ta artefactonan di un bom.
Aki autoridad tambe a bay den alerta ora nan a wordo informa. A avisa Bom Team.
Na a presenta, y mientrastanto turistanan cu mester a check out mester a cana bin pafo cu nan maletanan pa haya taxi.
Bom Team a controla e tas y a resulta cu no tawata trata di artefactonan pa un bom of di un bom.
Inoficialmente a wordo papia di un sorto di Training Mask, y esun cu a haya e tas y esnan na e Condominium no tawata sa kiko e ta y pesey nan a bati alarma.