Papaya – Diadomingo pa dialuna mey anochi alarma a ser bati pa un cas na candela situa na Papaya. Di leu por a mira unda e candela tawata na Papaya.
Mesora unidadnan di Brandweer y tambe di polisnan a sali pa e adres.
Na yegada berdad nan ta topa cu parti di un apartamento na candela. Esaki lo a cuminsa den cushina y expande bay pafo banda pazuid.
Bomberonan mester a actua hopi lihe, mirando cu unda e candela tawata tin un otro apartamento. Por a mira cu ya e candela a cuminsa pega e parti ariba di e apartamento na banda.
Den algun minuut Brandweer tawata tin e candela domina.
Den e apartamento ta biba un señora so y e tawata bastante emocional. Polisnan a pidi pa ambulance, pa por controle y mira si e lo por a inhala huma.
Parti paden nos a tira un bista ora e candela a caba y por a mira claramente cu e candela a cuminsa den e cushina y expande bay pafo.
E parti di e sala y segun nos e camber a salba, kizas daño di awa y huma nan por a haya.
Na yegada di Ambulance Paramediconan a controla e señora y a haci’e algun pregunta di su salud. Pero na final ela keda y no tawata kier a bay Hospital.
Kiko lo a por a causa e candela aki no tawata conoci na e momentonan ey.