Chauffeur a bira malo na stuur y boks cu su auto na Sabana Basora

Sabana Basora – Diadomingo merdia polis di trafico a bay un boksmento na Sabana Basora y cu lo tin basta daño material.

Na yegada nan a topa cu Toyota Corolla blanco. Na e sitio nan a constata cu e chauffeur lo a bira malo na stuur.

Momento cu ela bira malo ela bay na su man robes dal un meter di awa, y despues kita bay na su man drechi dal un cashi coriente y causando daño na un tubo di gas tambe.

Esaki a sosode den e area di Sabana Basora Noord.
Na yegada di Ambulance su Paramediconan a bay atende e chauffeur cu a bira malo.

Paramediconan a opta pa hiba e chauffeur Eerste Hulp pa observacion.