Palm Beach – Diadomingo marduga patruya di Noord a bay Hilton, pa un turista cu a aparece completamente sunu na e Hotel.
E cabayero aki lo a usa un droga cu a pone kita su paña of nan a kita su paña y lage cana sunu den area di High Rise Hotel.
Algun hende di e hotel a busca mesora un laken pa e tapa su curpa bunita.
Segun nos a compronde e turista aki a yega Aruba 1 of 2 dia prome, pa regla algo pa resto di su amigonan cu ta na caminda.
E turista aki lo ta un hende cu a bin pa trip duro, pero no a spera cu e “cos” cu ela bay usa lo a pone kita full su paña.
Na yegada di polisnan nan no por a saca afo si ta na Hilton of un otro hotel e ta kedando.
Pa buena marcha y pa e stop di cana exhibi su curpa a bay warda cune.
Varios persona cu ta usa droga sa of a yega di haci sorto di actonan manera esaki. Esta di kita
full nan paña y keda sunu. Sea nan ta bay sconde of manera e turista aki cana ariba caya exihibiendo su mes.