Wilhelminastraat, Oranjestad: Diasabra den careda di 10 ‘or y mey di anochi, presencia di polis ta wordo pidi na altura di Yemanja Restaurant den Wilhelminastraat pa un homber bou influencia.
Na e sitio polis ta topa cu e conocido Andy Martinez kende tabata bou influencia di un of otro substancia. Na momento cu nan a bay pa detene, ela resisti fuertemente y un di e agentenan policial durante cu e tabata lucha pa domina Andy, lo a haci un mal movecion y aparentemente elo a fractura su rudia. Mesora a pidi pa refuerso di mas polis
E otro agente cu no tabata herida, a logra domina Andy y a bay vloer cune pa asina por bistie e boei. Mientras tanto e otro agente a keda herida benta abou.
Personal di ambulance a trata e agente herida na e sitio y despues a transporte pa hospital. Transportwagen di polis a transporta Andy pa Warda di Polis na Oranjestad.