Accidente entre dos auto ariba brug di bieu di Balashi

Balashi – Diaranson mainta polis a bay pa un accidente ariba e brug bieu di Balashi.

Na yegada polis ta topa cu dos auto, pega contra e part zuid di e brug.
Tawata trata di un Hyundai Accent y un Toyota Yaris.

E Hyundai Accent tawata bayendo direccion WEB, y e Yaris tawata bayendo direccion Tele Aruba.
Pa un of otro motibo e Accent a hala na su man robes ariba e brug dal contra e muraya y despues topa cu e Yaris.

Takelwagen a wordo pidi pa move ambos auto pa trafico por continua.
Documentonan di tur dos auto tawata na ordo.